O proxecto nace coa intención de cubrir un baleiro na divulgación histórica, ofrecendo un espazo onde consultar de xeito accesible e interactivo os traballos dos investigadores sobre este tema desde o século XVII ata a actualidade.

Co apoio das TIC, facilitouose o acceso ás fontes e proporcionouse unha visión contextualizada das distintas interpretacións ao longo dos séculos, desde Atanasio de Lobera ata historiadores como Ramón Villares ou Justo Beramendi.

A iniciativa recompila e estuda a bibliografía científica existente, presentándoa nun portal web divulgativo. A páxina organizarase en taxonomías e inclúe entrevistas en vídeo con autores, unha Unidade Didáctica para centros educativos e difusión en redes sociais.

O obxectivo é achegar ao público materiais pouco coñecidos mediante unha linguaxe sinxela e moderna. O traballo científico foi realizado por un equipo de especialistas en historia medieval da Universidade de Santiago de Compostela, complementado coa publicación dun libro.

O estudo parte dun corpus de 90 textos e 7 bandas deseñadas, analizando como se construíu e reinterpretou a historia do Reino de Galicia ao longo dos séculos.

O proxecto inclúe a catalogación e contextualización dos textos, o estudo dos seus autores, a investigación dos elementos históricos que conforman a identidade do Reino e o papel das mulleres na súa evolución.

A web será o principal acceso á información e paralelamente, publicouse un libro cos resultados da investigación para garantir a súa difusión tamén en formato físico.

Outro compoñente fundamental foi a Unidade Didáctica para trasladar os coñecementos xerados aos centros educativos. Este material está dispoñible para descarga gratuíta na web.