O proxecto reivindica a figura de Urraca, raíña feudal e primeira monarca titular da historia de España e Europa, a través dun documental transmedia que explora a súa vida e legado. Coa condena ao esquecemento á que foi sometida tras a súa morte, este proxecto busca rescatar a súa verdadeira historia como pioneira do feminismo nun mundo gobernado por homes.

A través dun enfoque innovador e divulgativo, o proxecto articúlase en tres seccións principais:

• Urraca na súa voz:
  • O eixo principal é un documental dividido en catro segmentos, onde Urraca, interpretada por unha actriz galega, narra a súa vida en primeira persoa. A súa voz chega ata os nosos días en entrevistas e podcasts, facilitando un acceso cómodo e educativo aos contidos.
  • Estes recursos exploran os episodios clave da súa vida, incluíndo as súas loitas como muller e raíña, e os motivos que a levaron a non deixar rexistrada a súa propia historia quecida pola historia.
• Urraca en imaxes:
  • Inclúe entrevistas a expertos/as, como María del Carmen Pallarés, Pilar García Negro ou Esther Pascua Echegaray, que contextualizan a figura de Urraca no seu tempo.
  • Ademais, preséntanse animacións creadas por un artista galego emerxente, que recrean momentos destacados da súa vida, achegando unha perspectiva didáctica e visualmente atractiva.
• Urraca en movemento:
  • Desenvolvéronse rutas virtuais e presenciais polos lugares emblemáticos relacionados coa raíña en Galicia e León, fomentando a vinculación entre patrimonio, turismo e educación. Estas rutas ofrecen un valor engadido para descubrir o patrimonio natural e monumental medieval.

O proxecto destacou pola súa ampla estratexia de difusión,que combinou campañas en redes sociais, colaboracións con colectivos feministas e unha web dedicada.

A páxina web funciona como un espazo multidisciplinar que recolle todo o material audiovisual e transmedia, cun enfoque accesible e divulgativo.

Contactouse con centros educativos para promover o uso pedagóxico do proxecto, fornecendo referencias femininas aos programas de estudo.

Tamén se traballou con guías turísticos e entidades culturais de Galicia e Castela e León para integrar o proxecto no ámbito patrimonial e institucional.